Нова трагедија го потресе регионот
Млад фудбалер им подлегна на повредите со кои се здоби при пад од зграда.
Станува збор за 19-годишниот Фарис Тановиќ, играч на сараевски Железничар, а според првичните сознанија на полицијата, станува збор за самоубиство, пренесува „Радио Сарајево“.
Несреќата ја потврдија и од неговиот матичен клуб.
„Тажните вести не бираат време. Со тага и жалење ве информираме дека трагично почина деветнаесетгодишниот Фарис Тановиќ, долгогодишен член на Младинската школа на ФК Железничар. Изразуваме најискрено сочуство до семејството, пријателите и до сите ожалостени. Со длабока почит ќе го чуваме споменот за тебе, а твојата насмевка ќе ги разубавува нашите сеќавања“, стои во пораката на ФК Железничар.
Пријателите на Фарис се во шок по трагедијата.
„Се гледаме на оној свет, нека ти е лесна земјата, брату мој“, напиша близок другар на жртвата.
Фото: Фејсбук/Принтскрин
* Текстот не смее да биде превземан без дозвола на редакцијата на МАСТИЛО