Оние што гледаа шпански сапуници дефинитивно се сеќаваат на славната „Есмералда“, хит-серија која доживеа голема популарност на почетокот на овој милениум.
Главната хероина, актерката Летиција Калдерон, за време на снимањето имаше 29 години и беше на врвот на својата актерска кариера. Таа и после две децении глуми во сапуници, а во меѓувреме приватно се соочи со многу предизвици.
Првиот животен тест го имала токму за време на снимањето на „Есмералда“ кога била навлечена на кокаин.
– Бев млада, на врвот на кариерата, полна со пари и сѐ ми беше достапно. Непромисленоста можеше да ме чини живот -раскажа таа во едно интервју.
Како што призна, од дрогата се извлекла кога нејзина добра пријателка го изгубила животот од предозираност.
Летиција немаше многу среќа ниту во љубовта и двапати се колнеше на вечна љубов. Од вториот брак со адвокатот Хуано Коладо ги има близнаците Лусијано и Карлос, а двојката се разведе во 2010 година по осум години заедница.
Малиот Лусијано е роден со Даунов синдром, поради што Летиција во 2005 година направи долга пауза во кариерата и се посвети на грижата за него.
Иако болеста на синот имала големо влијание на нејзиниот живот, таа се помирила со ситуацијата уште од неговото раѓање и никогаш не се осудила да праша зошто баш нејзе и на нејзиното дете ѝ се случила таква судбина.
