Тажна вест ова утро го потресе регионот
Почина Мирза Ѓурѓевиќ, 21-годишниот фудбалер на ФК Језеро, информираат црногорските медиуми.
Младиот играч доживеал сообраќајна несреќа во близина на Колашин. Тешко повреден бил транспортиран во Опшатата болница во Бијело Поље, а потоа на ургентното одделение, но, за жал, им подлегнал на повредите.
Соиграчите од неговиот матичен клуб од Плав споделија потресна порака на „Инстаграм“.
„Сега ќе играш на небесните терени, а ние никогаш нема да те заборавиме“, стои во објавата.
Ѓурѓевиќ го облече дресот на прволигашот Језеро летово, откако три сезони играше за Петровац. Претходно настапуваше и за Отрант-Олимпик од Улцињ. Во Првата црногорска лига одигра вкупно 63 натпревари.
Фото: Инстаграм/Принтскрин
* Текстот не смее да биде превземан без дозвола на редакцијата на МАСТИЛО