Убиството во „Лидл“ вчера ги шокираше граѓаните на Сплит.
Жељко Ѓекиќ околу 15 часот со нож ја избоде својата поранешна партнерка, 44-годишната В.П., инаку вработена во овој познат ланец на маркети.
Поради трагедијата, продавницата денеска не работи, а утрово пред објектот беа затекнати лампиони во облик на срце и една роза.
Со свеќи во рацете, вработените во „Лидл“ сведочат за нивната колешка.
„Ја познавав добро. Беше добра, прекрасна жена“, вели еден од вработените.
За убиството се огласи и сплитскиот градоначалник.
„Згрозени сме од настанот. Често сме сведоци како насилството врз жените се оправдува, релативизира и интерпретира на различни начини кои дополнително ја виктимизираат жртвата. А потоа, кога ќе се случи едно вакво свирепо убиство занемуваме и се прашуваме како е ова можно во нашата земја, во нашиот град во 21 век“, вели Ивица Пуљак.
Фото: Далматински портал
* Текстот не смее да биде превземан без дозвола на редакцијата на МАСТИЛО.