Пејачот почина во декември 2020 година на 56-годишна возраст
Смртта на легендарниот Џеј Рамадановски остави голема празнина во срцата на неговите пријатели, колеги, членовите на неговото семејство, како и кај сите оние кои ги почитуваа неговите дела.
Во текот на долгогодишната кариера сними многу хитови кои ќе се памтат засекогаш, а еден од нив особено се одвои и носи посебна емоција.
Песната „Недеља“ е автобиографска, објавена е 1991 година на албумот „Ко се с нама дружи“, а Џеј во една прилика откри детали за тоа како настанала оваа нумера.
„Во тоа време соработувавме со Фута. Ни фалеше рефрен. Јас сум „виновникот“ за истиот. Ѝ ја раскажав на Марина Туцаковиќ мојата животна приказна од поправниот дом. Како дете, кога бев добар ми дозволуваа да одам дома, а кога не бев, останував во домот. Рефренот за таа „Недеља“ е напишан за десет минути“, откри Рамадановски во едно телевизиско шоу.
Баш како и Џеј, и Марина Туцаковиќ која го потпишува овој евергрин почина во недела. Токму со оваа песна Џеј беше испратен на вечното почивалиште.
Фото: Принтскрин/Јутјуб
* Текстот не смее да биде превземан без дозвола на редакцијата на МАСТИЛО.