Уште еден македонски лекар прерано не’ напушти
По кратко боледување, на 35-годишна возраст почина д-р Симон Василев.
Беше вработен како општ хирург во Клиничка болница Штип, а максимално беше посветен и на специјалистичките студии.
„Градот Штип и лекарската фела изгубија исклучително значајна личност во својата професија и ги задолжи своите колеги да продолжат по неговиот професионален пат. Неговиот лик и неговото дело засекогаш ќе бидат запаметени од неговите сограѓани и нека му е светол патот и царството небесно“, напиша редакцијата на М-Нет телевизија.
Штипјани со емотивни посвети се простуваат од младиот македонски лекар.
„Познавам многу луѓе во градот, но од срце ви велам дека во животот не сум сретнал подобар и поскромен човек од Симон. Со секого ќе застанеше на улица да направи два-три реда муабет“ е еден од коментарите на „Фејсбук“.
Василев беше оженет и татко на две малолетни деца.
Фото: МНет.мк
* Текстот не смее да биде преземан без дозвола на редакцијата на МАСТИЛО