Реномиран доктор апелира
Сите се радуваме на празничниот амбиент во нашиот дом, но дали сте знаеле дека божиќното дрво може да биде и опасно по нашето здравје?
Алергологот Лоренс Курландски советува пред да го внесеме дрвото во домот, да го оставиме на воздух добро да се исуши.
Тој појаснува дека мувлата на природното дрво или на вештачката елка која несвесно ја вдишуваме за време на празниците во дури 70 отсто случаи може да предизвика тешки напади на астма, умор, затнување на синусите, чешање на носот, солзење на очите и болка во синусите.
Реномираниот доктор апелира секојдневно проветрување, бидејќи топлината во домот е една од причините поради која мувлата на елките со текот на времето станува сè поопасна.
Според него, не е толку важно дали елката е природна или вештачка, се додека правилно ја одржуваме. Природното дрво е полно со бубачки, а вештачкото собира двојно повеќе прашина. Затоа советува елките да не ги оставаме во подрумот или на таванот без да ги спакуваме во кутии со кои ќе ги заштитиме.
* Текстот не смее да биде преземан без дозвола на редакцијата на МАСТИЛО.