Почина заменик генералниот секретар на Српското собрание, Бранко Маринковиќ (41).
Пронајден е мртов во неговиот дом во Белград и се’ уште не е позната причината за смртта.
Маринковиќ е роден на 2 октомври 1980 година. По вокација е правник. Матурирал во Луизијана, САД, во рамките на меѓународната програма Pacific intercultural exchange како ученик на генерацијата. Дипломирал на Правниот факултет во Ниш.
Тој е еден од победниците на интернационалниот натпревар во симулација на судење пред Европскиот суд за човекови права во Стразбур во 2011 година. Активно зборувал англиски, француски и бугарски јазик.
„Бранко беше исклучителен правен експерт. Прерано го загубивме. Беше почитуван и драг колега кој целото свое знаење го посвети на поуспешно и поефикасно работење на парламентот“, напиша во телеграмата со сочуство Ивица Дачиќ.
Телото на Маринковиќ околу 16 часот го пронашла неговата сопруга.
* Текстот не смее да биде преземан без дозвола на редакцијата на МАСТИЛО.
