Сите детали за новиот сој на коронавирусот
Омикрон се шири со неверојатна брзина. На крајот од ноември се појави во Јужна Африка, а досега е потврден во 110 земји. Што досега се знае за него, кои се симптомите и на што треба да внимаваме, објаснува д-р Анжелик Коци, претседателката на Јужноафриканското медицинско здружение.
Докторката која практично го откри омикрон открива дека досега лекувала 106 пациенти и дека кај сите забележала една иста работа.
„Сите пациенти заспивале здрави, а во текот на ноќта почнувале да чувствуваат и жештина и оладеност. Имале ноќно потење. Наредниот ден се буделе со главоболка, болки во градите, дури и со болки во грбот. Малаксаноста која ја чувствувале не била обичен умор, а помал број на пациенти имале и сува кашлица и болка во грлото“, вели таа.
Објаснува дека истата клиничка слика кај овие заразени трае веќе шест недели и дека на почетокот биле млади пациенти, но дека сега воглавно се разболуваат постари од 30 години, без разлика на полот.
Во однос на делта-сојот, д-р Коци вели дека омикрон доминантно предизвикува мускулно-скелетни симптоми и дека ако веднаш се почне со терапија, опоравувањето трае од три до пет дена.
Сепак, таа апелира луѓето да продолжат да носат маски и да се вакцинираат.
„Ако спаѓате во ризична група, примете бустер. Избегнувајте гужви, особено сега за празниците. Без забави“, порачува.
Фото: Принтскрин РТС
* Текстот не смее да биде преземан без дозвола на редакцијата на МАСТИЛО.
