Трагично заврши потрагата по Љубе Димитриевски кој исчезна пред неколку дена.
Роднините кои на социјалните мрежи побараа помош за било каква информација, сега се огласија повторно.
„Ви благодариме на сите за објавата за Љубе. Пронајден е. Да му е светол патот до вечноста. Ве замолуваме доколку се’ уште кружи веста за потрагата на некој медиум, истата да се отстрани“, напишаа тие.
Не се откриваат детали за смртта.
Блиски пријатели на Димитриевски, кој рекреативно спортувал и често можел да се види на Водно или на Кеј, велат дека бил човек од кој што можело многу да се научи.
„Редок и прекрасен. Сочуство до фамилијата“, стои во една од објавите.
Фото: Фејсбук
* Текстот не смее да биде преземан без дозвола на редакцијата на МАСТИЛО.
