Една од најтажните вести минатата година беше трагичната смрт на Горан Јосифовски (36). Битолскиот музичар почина во февруари во тешка сообраќајна незгода. Поранешниот член на „Екстра бенд“ беше сопруг и татко на две малолетни деца.
Луѓе од неговото блиско опкружување велат дека Јосифовски бил посветен семеен човек кој никогаш не ги криел емоциите.
Доказ за тоа е и фактот што неговата сакана ја запроси јавно пред полна Универзална сала, во 2014 година на јубилејниот концерт на Марјан Коцев.
Подоцна само се свршиле, а свадба планирале летово кога требало во татковината да допатуваат и најблиските роднини на Горан кои со години живеат и работат во Америка и во Канада.
Во ек на пандемијата, кога многу музичари останаа без егзистенција, Јосифовски почнал да работи во приватна пекара како доставувач. Токму на работното место излетал од патот управувајќи патничко возило, а од здобиените повреди починал на самото место.
* Текстот не смее да биде превземан без дозвола на редакцијата на МАСТИЛО.