Шок и неверување по смртта на двајцата тинејџери
Страшна сообраќајна несреќа го вознемири регионот.
Животот го загубија младите фудбалери Маријан Мариќ и Кристијан Миошко откако, од засега непознати причини, со возило Рено Меган излетале од патот и завршиле во каналот Дунав-Тиса-Дунав.
И двајцата имале по деветнаесет години, а како што некои српски медиуми информираа, едното момче утре требало да слави роденден.
Не стивнуваат реакциите по трагедијата, а на социјалните мрежи се огласи и фудбалското здружение на Војводина.
„Ја информираме фудбалската јавност дека во сообраќајна несреќа ноќта помеѓу неделата и понеделникот трагично загинаа две млади момчиња, фудбалерите Маријан Мариќ и Кристијан Миошко. Миошко играше за Јединство од Влајковац, а Мариќ настапуваше во Романија. Ненадоместлива загуба за сите.. Наше искрено сочуство до семејствата“, стои во објавата.
Фото: Фејсбук/Инстаграм
* Текстот не смее да биде преземан без дозвола на редакцијата на МАСТИЛО.