Легендарниот фронтмен на „Парни ваљак“, Аки Рахимовски, почина во Словенија на 66-годишна возраст.
Позади себе остави три деца и многу хитови.
Бројни познати личности се простија од него, а сега конечно се огласи и неговиот син Кристијан Рахимовски.
На социјалните мрежи објави нивна заедничка фотографија, а со зборовите расплака многумина.
„Татко мој, прерано си замина. Многу прерано. Луѓето велат дека Бог така сакал.. Не знаеше да се симнеш од таа сцена, па единствено со песна ти приоѓав. А можевме многу повеќе, татичко мој. Болиш неописливо. Утеха ми е дека ќе те имам барем во дел од своите песни како и во оние што ми ги остави. Но, тоа сега не ми е доволно.. Луѓето знаеја се’ за нас, а ништо не знаеја.. Знаевме ти и јас.. Фалиш татичко, на сите ни фалиш..Сега одмори се, па „рокај“ таму горе со екипата“, напиша, меѓу другото, Кристијан.
Двапати се женеше, стана дедо, па му се роди ќерка: Рахимовски го криеше приватниот живот
Тој им се заблагодари на сите кои му дале поддршка во овие тешки мигови и на крајот откри нешто трогателно.
„Татко мој, пред неколку дена ми рече: „Сине, и јас те сакам, ајде бегај таму и се гледаме“. Се гледаме тато еден ден.. Чао тато, те сакам тато.. Се гледаме“, напиша тој.
Фото: Инстаграм/Принтскрин Јутјуб
* Текстот не смее да биде преземан без дозвола на редакцијата на МАСТИЛО.