Марина Радосавлевиќ, учесничка во популарното натпреварувачко шоу „Ѕвездите на Гранд“, синоќа била брутално претепана во Врњачка Бања.
За инцидентот проговори на нејзиниот инстаграм-профил на кој сподели вознемирувачки фотографии.
Како што пишува во објавата, ја нападнале двајца маскирани мажи. Ѝ прснале солзавец, ја собориле на земја и почнале да ја удираат со пендраци.
Случајот е пријавен во полиција и веќе се трага по напаѓачите, пренесуваат српските медиуми.
На пејачката ѝ е укажана медицинска помош и таа, судејќи по нејзините објави, по прегледот е пуштена на домашно лекување.
„Срамота за едно туристичко место кое од недела во недела се претвора во крвава бајка. Срамота за насилниците“, напиша пејачката.
Фото: Инстаграм
* Текстот не смее да биде превземан без дозвола на редакцијата на МАСТИЛО