Трагична вест го вознемири музичкиот свет
Ненадејно почина Тејлор Хокинс (50), тапанарот на „Фу Фајтерс“, еден од најголемите рок-бендови на денешницата.
Неговото тело е пронајдено во соба во хотелот „Каса Медина“ во Богота каде групата била сместена.
Засега нема информации за причината на смртта, иако некои светски медиуми објавија дека не е исклучена можноста да се работи за предозирање.
„Фу Фајтерс“ кои се на турнеја во Јужна Америка ги откажаа настапите што следуваат.
Тејлор Хокинс се проби како музичар на Аланис Морисет пред да му се придружи на бендот во 1997 година. Важеше за еден од најдобрите тапанари на глобалната рок-сцена.
„Фу Фајтерс“ е основан од Деј Грол кој се прослави како тапанар на култните „Нирвана“, но во својот бенд пее и свири на гитара.
Грол и Хокинс имаа обичај на концертите повремено да си ги заменат улогите, па Хокинс пееше, а Грол биеше на тапаните.
Бројни славни личности се простуваат од Хокинс кој позади себе остави сопруга и три деца.
Фото: Принтскрин Јутјуб/Инстаграм
* Текстот не смее да биде превземан без дозвола на редакцијата на МАСТИЛО.
