Се молиме за неа
Александра Шијакоска (29), една од најпознатите македонски модни инфлуенсерки, повторно е хоспитализирана.
По операцијата на тумор на мозокот, таа им се обрати на своите илјадници следбеници на „Инстаграм“ признавајќи дека опоравувањето не оди по планот и дека повторно е во болница.
„Многу ми е тешко да се навикнам на новата беспомошна и психички нестабилна јас. Никако не можам да ја прифатам оваа ситуација. Ме боли душата. Празна ми е. Како огромна дупка. Ќе го чекам тој сончев, среќен и убав ден со последните сили ако треба. Ќе чекам“, напиша таа.
Шијакоска неодамна отворено проговори дека води една од најтешките битки во животот.
„Да ми кажеше некој дека на 29 години ќе се борам со тумор наместо да шетам низ светот, да се радувам со пријателите и саканите или да гледам деца ќе му се изнасмеев. По неколку дена плачење и прашување зошто јас, имав време да размислам за сите случувања во мојот живот. Господ ме спремал за ова ме челичел, а јас го знаев тоа, го чувствував“, сподели таа.
Фото: Инстаграм
* Текстот не смее да биде превземан без дозвола на редакцијата на МАСТИЛО.