Почина Стојан Стојанов-Тачи, реквизитер во струмичкиот театар „Антон Панов“ кој како актер-натуршчик се појави во неколку претстави, но и на големото платно.
Стојанов е роден на 29 октомври 1973 година во Струмица. Во епизодни улоги настапи во неколку претстави во својот матичен театар во кој беше вработен од 2013 година. Играше и во филмот „Златна петорка“ во режија на Горан Тренчовски.
Струмичани со неверување ја примија тажната вест.
„Почивај во мир Таче, другарче верно и послушно. Засекогаш ќе останеш во нашите срца, добар човеку. Сочуство до најблиските“, е наведено во една од бројните посвети на социјалните мрежи.
Неговите пријатели, колеги и соработници велат дека секогаш ќе го паметат како насмеан и ведар.
„Беше човек-душа. Нека почива во мир“, коментираат тие.
Фото: Фејсбук
* Текстот не смее да биде превземан без дозвола на редакцијата на МАСТИЛО
