Познатата пејачка и професорка по соло-пеење, Искра Трпева Арсовска, за миг се присети на болната животна епизода кога го загуби синот Петар.
„Почина четири дена откако се роди. Тој е дел од мојот живот и ќе биде сè додека постојам. Нема да говорам на оваа тема“, вели таа во своето најново интервју.
За жал, пред неколку месеци се соочи со уште една загуба – почина нејзиниот славен татко, фудбалската легенда Ванчо Трпевски.
„Мојот ТАТКО. Големина во секоја смисла на зборот. Човек којшто цел живот го помина во „Вардар“ (го сакаше со цело срце и полни гради). Докажан и почитуван фудбалски тренер во поранешна СФРЈ. Неговите дела говорат за тоа! А мене, мене ме учеше на чесност , вредност и искреност! Вредности коишто се во изумирање. Татко мој, ми фалиш секој момент. ТЕ САКАМ“, вели таа за „Женски магазин“.
Искра е во брак со Благоја Арсовски кој е професор по физичко. Плод на нивната љубов е ќерката Ангела која неодамна го прослави јубилејниот десетти роденден.
Фото: Фејсбук
