По кратко боледување, на 38 години почина славниот моден креатор Квитерија Кекана. Тажната вест ја потврдија членови на неговото семејство.
„Утре ќе те погребаме, прости за нашата себичност“, напиша на „Твитер“ близок роднина на починатиот.
На Кекана кој важеше и за модна икона минатата година му беше дијагностициран редок рак на коските. Многумина веруваа дека ќе се опорави, особено по втората фаза хемотерапии, но, на изненадување на фановите, состојбата му се влоши и засекогаш не’ напушти.
Како дизајнер соработуваше со бројни познати личности, меѓу кои и музичката ѕвезда Бијонсе.
И покрај богатството кое го стекна низ годините, трошоците за лекување биле превисоки, па овој татко на едно дете неодамна призна дека бил принуден да продаде дел од своите скапоцени колекции за да може да ги плати здравствените третмани.
„Беше тешко, но верувам дека ќе се опоравам и дека ќе продолжам да креирам. Знам дека ќе го победам ова зло“, изјави дизајнерот на почетокот од годинава.
Фото: Инстаграм
* Текстот не смее да биде превземан без дозвола на редакцијата на МАСТИЛО.
