Тажен ден за македонската музика
На 67-годишна возраст денеска ненадејно почина Мирчо Чуков, вокалистот и клавијатурист на легендарната македонска група „Интервали“.
Со трогателна посвета од него се прости огранокот на СДСМ од Ново село.
„Изгубивме голем сопартиец, борец, а пред сѐ голем човек! Почивај во мир, пријателе! Сочувство до фамилијата!“, стои во нивната објава на „Фејсбук“.
Струмичката група „Интервали“ која се прослави со баладата „Ех, да сакаш“ е формирана пред повеќе од три децении. Покрај Мирчо, заштитно лице на составот е и неговата сопруга Снежана.
Фото: Струмица денес
* Текстот не смее да биде преземан без дозвола на редакцијата на МАСТИЛО.