Министерот за транспорт и врски, Благој Бочварски, синоќа се ожени во родниот Штип.
Првите фотографии од венчавката ги објави Андријана Николовска, сопругата на министерот за земјоделство, шумарство и водостопанство, Љупчо Николовски.
„Ви благодариме што ни дозволивте да го споделиме вашиот посебен ден. Ви ја посакуваме целата среќа на светот“, напиша таа на „Фејсбук“.
Бочварски и неговата избраничка Маринела Серафимова, инаку ќерка на познат штипски угостител, се верија лани во август.
„Со Маринела сме заедно околу една година и требаше ова да се случи. Нема посебен датум за да го направам ова, така одлучив. Претходно бевме на вечера во ресторан и малку разговаравме на оваа тема, но не открив пред неа детали што ќе се случува подоцна. Раката и ја побарав кога се вративме дома. Немаше посебни романтики, не клекнав кога ја запросив, едноставно додека разговаравме се случи моментот, го покажав прстенот. Не сметавме дека треба да има апарати и камери, туку само ние двајца да си дадеме збор, затоа и немаме слики. Беше навистина убав момент и чекор и за двајцата. Бевме заедно на одмор, но, сепак, се одлучив да ја запросам тука дома. Искрено јас и Маринела извесно време правиме муабет за нашата иднина. Затоа таа и очекуваше, но не знаеше кога и беше изненадена“, раскажа министерот лани за ММС.
Фото: Фејсбук
* Текстот не смее да биде преземан без дозвола на редакцијата на МАСТИЛО.
