Во заседа, утрово во Холандија е убиен фолк-пејачот Енвер Мики Колашинац, пишуваат регионалните медиуми.
Тажната вест ја потврди и неговата сестра Аиша.
„Брате мој, ја примив оваа вест дека прерано не’ напушти, дека те убиле проклетниците. Душата ми е скршена. Ме остави, но засекогаш ќе бидеш во моето срце. Сега си на оној свет со нашиот татко“, напиша таа на социјалните мрежи.
Колашинац е од Нови Пазар, а последните години престојуваше во Холандија и во Австрија. Беше исклучително талентиран музичар кој своевремено се натпреваруваше и во шоуто „Ѕвездите на Гранд“.
За оваа продукција ја издаде и песната „Дуго, дуго смо се тражили“ која можете да ја слушнете во продолжение.
Фото: Принтскрин Јутјуб
* Текстот не смее да биде превземан без дозвола на редакцијата на МАСТИЛО.