Една посебна комбинација од два витамина може да предизвика сериозни нарушувања на вашиот организам, па дури и животот да си го доведете во опасност.
Оваа комбинација може да предизвика собирање на најразлични супстанци во внатрешните ѕидови на артеријата, што може да предизвика мозочен удар, но тука е и ризикот од срцеви заболувања, покажаа резултатите од едно американско истражување предводено од професорот Сафиј Хан од Медицинскиот факултет во Вирџинија.
Во истражувањето учествувале околу 300 луѓе кои страдале од атеросклероза, а воедно ја внесувале оваа комбинација на витамини.
Станува збор за комбинирањето на калциум со витаминот Д кое ја зголемува можноста за атеросклероза, односно собирање на масни супстанци, холестерол, дел од мртви ќелии и калциум во внатрешниот ѕид на артериите.
Експертите дошле до сознание дека оваа комбинација дури за 17 отсто ја зголемува можноста да доживеете мозочен удар. Истражувањето покажало дека не постои никаква врска помеѓу срцевите заболувања и витаминот А, Б, Ц и Д, бета-каротинот, калциумот, антиоксидансите и мултивитамините. Само фолната киселина и омега 3 масните киселини едвај покажале мало влијание врз работата на срцето.
