На градските гробишта во Фоча денеска беше погребана Маја Врбарац, поранешна одбојкарка и долгогодишен капитен на клубот „Маглиќ“.
Маја која по завршувањето на спортската кариера се вработи во Граничната полиција на БиХ почина на 32-годишна возраст по кратко и тешко боледување.
„Маја отсекогаш беше борец кој не е навикнат на порази. И покрај вербата во Бога, на крајот ја загуби битката“, беше истакнато на комеморацијата.
Нејзините колеги, но и соиграчи со емотивни посвети се простуваат на социјалните мрежи. Велат дека нејзината ненадејна смрт оставила ненадомеслива празнина.
„Беше лидер во секој смисол на зборот. Секогаш знаеше како да ги охрабри соиграчите, знаеше од луѓето да го извлече најсилното, најдоброто“, напиша нејзина блиска пријателка, исто така поранешна одбојкарка.
Фото: Срна/Фејсбук
* Текстот не смее да биде превземан без дозвола на редакцијата на МАСТИЛО
