Денеска не’ напушти доајенот на македонското глумиште, актерот со единствен стас и глас Митко С. Апостоловски.
„Неговата исклучителна харизма со која пленеше од сцената уште долго ќе ја паметиме. Нека ти е светол патот почитуван колега“, напишаа колегите од Битолскиот Народен Театар.
На социјалните мрежи се огласи и актерот Петар Горко.
„Почивај во мир, колега, пријателе, прекрасен човеку. Неизмерна загуба чувствувам. Нека ти е вечен споменот“, напиша тој на „Фејсбук“.
Митко Апостоловски е роден во Битола на 7 март 1955. Дипломирал на Вишата музичка школа во Скопје (Отсек за драмски глумци). Работел во Народниот театар во Битола (1973-1974) и во Народниот театар во Куманово (1980-1995).
* Текстот не смее да биде превземан без дозвола на редакцијата на МАСТИЛО.
