Многу од младите не ни знаат дека биле заразени, вели тој
Нема потреба граѓаните сами да се тестираат и да прават трошоци, туку да се изолираат неколку дена. Нема никаков ефект, освен финансиска загуба од тестирање, иако е точно дека некои бараат изолација за да добијат боледување. Кога би бирал меѓу ковид и ангина, сега би одбрал ковид. Така да мислам дека тестирањето не значи ништо, вели проф. д-р Никола Пановски.
Во изјава за телевизија „Сител“, докажаниот микробиолог вели дека во моментов бројот на заболени е десет пати поголем од официјалната статистика, а многу од младите не ни знаат дека биле заразени.
Д-р Пановски смета дека граѓаните се веќе свесни за сопствената заштита и дека не треба да се враќаат дел од задолжителните мерки.
„Гледам дека некои луѓе носат маски, што не беше случај пред три недели“, вели тој.