Порталот 4NEWS.mk на својата официјална фејсбук-страна објави снимка од безбедносна камера за која тврди дека е од палењето на бугарскиот културен центар во Битола.
На снимката наводно се гледа како Ламбе Алабаковски доаѓа со велосипед, го остава на страна, оди и го пали центарот „Ванчо Михајлов“ во Битола.
Популарниот пејач по неколку дена го призна делото во полиција.
Алабаковски кој беше и во притвор се гони за предизвикување општа опасност.
Судскиот процес против него треба да почне на крајот од август или почетокот на септември.
