Управата за јавни приходи денеска соопшти дека напредниот начин на скенирање од апликацијата МојДДВ е достапен и на Google playstore.
Корисниците на апликацијата треба најпрвин на направат ажурирање (update) на МојДДВ на Playstore, а потоа да се најават на апликацијата и во делот „профил“ во прозорчето „тип на баркод скенер“ да одберат „напреден“.
Управата за јавни приходи исто така информира и дека е во тек исплатата на дел од ДДВ изразено во фискалните сметки кон корисниците кои скенирале фискални сметки во второто тримесечје од 2022 година, а секој корисник може да ја провери состојбата на исплата од МојДДВ на својот кориснички профил.
Пред неколку дена УЈП извести дека прилагодената верзија на Мој ДДВ е достапна на Apple appstore, додека Android верзијата е достапна на Huawei app Gallery.
