Голема трагедија ја потресе регионалната, но и меѓународната спортска јавност откако норвешките медиуми јавија за загинувањето на 19-годишната словенечка скијачка Хана Јамник.
Тажната вест ја потврди и Скијачката федерација на Словенија. Оттаму велат дека младата репрезентативка настрадала на подготовките за новата сезона, но детали за смртта не соопштија.
Норвешките медиуми пренесуваат дека Хана утрото на 11-ти август во 08:41 излетала од стазата додека тренирала на скејтброд и завршила под камион на магистралата 532. Тешко повредена со хелихоптер била пренесена во клиничкиот центар во Ставангер, но лекарите не успеале да ја спасат.
Возачот на камионот е обвинет за кршење на сообраќајните правила, но тој не признава вина и тврди дека станува збор за трагична несреќа.
Фото: Фејсбук
