Тажна вест
Утринава почина велешанецот Боре Манев, познат младински активист и наградуван бригадир-акцијаш на Младинската работна бригада „Кочо Рацин“, како и прв Командант на Младинската бригада „Тито-титови градови“ во поранешна Југославија.
Манев е добитник на голем број ударнички значки со кои се одликуваше доброволниот младински труд на Сојузните работни акции во тогашната држава Југославија. Ударничките значки, благодарниците и признанијата ги доби додека учествуваше во градењето на автопатот „Братство-Единство“.
Манев и на 81 година беше дел од акцијашката ветеранска бригада „Кочо Рацин“ која во изминатите три години интензивно го пошумуваше брегот на езеро „Младост“, го чистеше од отпад и смет родниот Велес, како и соседната општина Чашка, информира порталот „Дума“.
Тој извршуваше и повеќе општествено политички функции во Титов Велес.