Почина телевизиската актерка Дениз Дауз по тешка борба со вирусен менингитис, соопшти нејзиното семејство.
Глумицата која се прослави во хит-серијата „Беверли Хилс 90210“, а подоцна играше и во „Несигурна“ имаше 64 години.
Нејзината сестра Трејси сподели трогателна посвета на социјалните мрежи.
„Сакам да го искористам овој момент да им се заблагодарам на нашите пријатели и на семејството за нивната љубов и за молитвите. Со тешко срце ве информирам дека мојата сестра Дениз Дауз замина на поубаво место и сега е повторно заедно со моите најблиски. Таа беше неверојатна сестра, совршена, славна актерка, ментор и режисер. Таа беше мојот најдобар другар и последен член на семејството. Имаше трпение и разбирање за секој“, напиша Трејси.
Фото: Инстаграм
* Текстот не смее да биде преземан без дозвола на редакцијата на МАСТИЛО
