Почина пејачот Фазли Луик, познат интерпретатор на народни и новосоздадени македонски песни.
Охриѓанецот кој живееше во Мелбурн е најпознат по нумерите „Стара тажна липа“, „Не ме дочека“ и „Се враќам граду“.
Колегите со емотивни зборови се простуваат од Луик кој порасна во музичка фамилија. Пепи Бафтироски му беше вујко, а авторот на легендарниот хит „Бисер Балкански“, Хилми Билбил, му беше братучед.
„Живеам тука со сопругата, со децата и со моите внуци, а со мислите секој ден шетам по охридските сокаци и улици. И затоа во моите песни најмногу доминира љубовта кон Охрид и езерото“, изјави Фазли пред две години за „Публицитет.мк“.
Фото: Принтскрин Јутјуб