Трагичен настан денеска ја потресе македонската јавност.
Од струен удар загина 22-годишно момче од Боговиње.
Од СВР Тетово информираат дека денеска во 12 часот и 20 минути кај нив било пријавено дека во тетовската Клиничка болница бил донесен 22-годишниот Е.И. од тетовско Боговиње кој претходно, според првично пријавеното, задобил тешки телесни повреди од струен удар додека бил ангажиран на изведување на градежни работи (фасадирање) на училишен објект во тетовско Камењане.
„По извршениот преглед, лекарите констатирале смрт. По наредба на Јавниот обвинител ќе се врши обдукција на бeзживотното тело на Е.И. Се преземаат мерки за расчистување на случајот“, информираат од СВР Тетово.
Увидот е во тек со учество на Јавен обвинител и екипа од Секторот за внатрешни работи Тетово.
