Невладините организации од целиот регион се шокирани по смртта на 46-годишната Марина Радојиќиќ, успешна жена претприемач и голем хуманитарец.
На Марина, која вчера беше погребана во Чачак, кон крајот на 2019 година ѝ бил дијагностициран малигнен тумор на раката по што брзо била оперирана.
„Храбро се бореше до крај против злобната болест и сите ќе ја паметат како вечен борец со насмевка на лицето. Зад себе ги остави сопругот Дејан и ќерките Јулија и Јана“, коментираат нејзините блиски роднини и пријатели.
Уште во тинејџерските денови Марина почнала да работи во семејната компанија „Трго Југ“ која успешно ја водела со нејзиниот татко и со сопругот Дејан.
Отсекогаш сметала дека секоја фирма треба да биде општествено одговорна, па редовно донирала покуќнина и парични средства за ранливите групи.
Фото: Фејсбук
* Текстот не смее да биде превземан без дозвола на редакцијата на МАСТИЛО.