Тажен ден во Гевгелија
По неколкумесечно тешко боледување, денеска на 64-годишна возраст почина гевгелискиот музичар Митров Јули, меѓу своите сограѓани познат како Јули ГАЊО.
Освен по музиката и гитарата, гевгеличани го познаваа по човечката добрина, по срдечноста, по културното однесување и по услужливоста, пишуваат администраторите на фејсбук-страницата „Гевгелија Нет“.
Гањо беше дел од повеќе музички состави во Гевгелија, групата „Кан Кан“, свиреше на гостувањето на Маријана и Росана во Гевгелија, со Васил Ангов, Иљо Моински и со многу други музички уметници.
„Згаснаа денеска очите на Јули. Замина на помирно место каде болките исчезнуваат. Вечен спокој и незаборав!“, е наведено во емотивната посвета.
