Биолозите конечно ѝ го претставија на јавноста бурманскиот питон на Флорида долг 5,5 метри и тежок неверојатни 100 килограми кој беше уловен пред половина година.
Станува збор за најголемиот примерок од овој вид кој некогаш бил уловен во оваа област.
Животното е фатено во шума во округот Колиер, Флорида. Иако научниците не сакаат да шпекулираат, биологот Иан Бартошек вели дека постои голема веројатност масивниот питон да е домашно милениче кое било пуштено во дивината пред неколку децении.
Оваа џиновска женка питон била евтаназирана набргу откако била фатена, а научниците се обидоа да откријат што е можно повеќе за овој вид врз основа на уловениот примерок. Тие биле шокирани од она што го пронашле во стомакот на огромната змија.
„Последниот оброк на ова животно бил елен со бела опашка со кој обично се хранат пантерите“, открија тие.
Фото: Принтскрин Јутјуб
* Текстот не смее да биде превземан без дозвола на редакцијата на МАСТИЛО.
