Во октомври се навршува една година откако ненадејно почина Ана Булатовиќ, ќерка на поранешниот генерален секретар на Фудбалскиот сојуз на Србија и Црна Гора, Бранко Булатовиќ.
Бројни познати личности лани се простија од неа. Емотивна посвета на социјалните мрежи тогаш сподели и актерката и водителка на шоуто „Пинкови ѕвездички“, Маријана Мичиќ.
„Анчи моја. Спиј. Те гушкам, те бакнувам, ќе те сакам засекогаш“, напиша таа објавувајќи нивна заедничка фотографија.
Маријана и Ана беа блиски другарки и нивното пријателство датира од основно.
Ана последните години работеше како шминкерка и често беше ангажирана за снимања на филмови и на серии.
Неофицијално, причината за смртта е срцев удар.
Нејзиниот татко Бранко Бата Булатовиќ беше убиен на 24 март 2004 година пред просториите на Фудбалскиот сојуз на Србија. Имаше 54 години. Случајот се’ уште не е расчистен.
Фото: Инстаграм
*Текстот не смее да биде превземан без дозвола на редакцијата на МАСТИЛО.