По кратко боледување на 61-годишна возраст почина актерката Јулијана Стефанова.
„На сцената беше дива, а зад неа голем другар“, напишаа нејзините колеги од Битолскиот театар каде што го помина целиот свој работен век.
Блиски пријатели и соработници со трогателни посвети се простуваат од неа на социјалните мрежи.
„Јуле, љубов моја битолска, што стори.. Јуле беше лик што беше обврзно да ја познавате.. Каков лик, харизматична актерка и голем другар.. Со неа никогаш не бев тажна. Насмеј ги ангелите, Јулче“, напиша на „Фејсбук“ актерката Весна Петрушевска.
И нејзиниот колега Петар Горко ѝ посвети статус.
„Јуце моја најдрага, ти посакувам царство небесно. Не можам да опишам колку ќе ми недостигаш“, напиша тој.
* Текстот не смее да биде преземан без дозвола на редакцијата на МАСТИЛО.