Докажаните музички артисти Беби Дол и Масимо Савиќ имале кратка, но интензивна љубовна врска во 80-те години на минатиот век.
Живееле на висока нога, а раскинале за глупост, откриваат оние кои знаеле за нивната романса.
– Само што се вратив од Египет, на аеродром ми пријдоа некои луѓе да го запознаам Масимо. Беше пристоен, се сеќавам во тоа време имаше голем хит. Го погледнав, добро го проанализирав и, не мислам никого да навредам, ама помислив дека е геј – си ја отвори душата Беби Дол во една емисија.
По некое време се договориле повторно да се видат и тогаш тргнало сѐ. Наводно, врската не успеала откако не можеле да се договорат каде ќе живеат.
– Се двоумевме дали тоа да биде Загреб, Белград или Истра каде живееше мајката на Масимо која многу ме почитуваше. Живеевме на висока нога сѐ до војната. Живеевме интензивно, убаво, возбудливо, авантуристички. Тогаш не ни бевме свесни колку сме всушност среќни. И наеднаш сѐ падна во вода. Комплетно престанавме да комуницираме – призна белградската пејачка.
* Текстот не смее да биде преземан без дозвола на редакцијата на МАСТИЛО
