Страшни вести пристигнуваат од Босна и Херцеговина.
Денес почина тамошната најуспешна триатлонка, 33-годишната Неира Одобашиќ.
Нејзиното безживотно тело полицијата го пронашла околу еден часот по полноќ. Истрагата е во тек, причината за смртта се’ уште не е позната, но полицијата се сомнева дека извршила самоубиство.
Пред само три дена реномираната спортистка гостуваше во една ТВ-емисија.
Неира беше една од најдобрите триатлонки во регионот. Станува збор за дисциплина во која спортистите се натпреваруваат во пливање, трчање и во возење велосипед.
Последниот голем успех го забележа во Норвешка каде партиципираше на најекстремниот триатлон во светот познат како Norseman. Доби „црна маица“, бидејќи се најде меѓу 160-те најдобри натпреварувачи, успех кој досега го нема постигнато никој од поранешните ју-простори. Таа беше и првата жена од регионот која учествуваше на ова престижно натпреварување.
* Текстот не смее да биде преземан без дозвола на редакцијата на МАСТИЛО
