Кормак Рот, музичар и син на славниот холивудски актер Тим Рот, почина на 26-годишна возраст, јавија британските медиуми.
Младото момче се бореше со рак кој му беше дијагностициран во ноември минатата година.
Тажната вест ја потврдија и од семејството.
„Беше луда, ексцентрична топка енергија. Но, колку што беше див, толку беше и мил. Нежна душа која донесе толку среќа и надеж за сите околу него. Тагата доаѓа во бранови, како и солзите и насмевките, кога ќе помислиме на нашето прекрасно момче кое го познававме овие 25 години и 10 месеци. Дури неодамна стана маж. Го сакаме. Ќе го носиме во себе каде и да одиме“, стои во официјалната изјава.
Кормак Рот дипломира на Бенингтон колеџ и беше навистина талентиран музичар. Свиреше гитара, компонираше и беше продуцент.
„Ракот ми го одзеде слухот, повеќе од 17 килограми и ќе продолжи на својот убиствен пат додека не успеам да го запрам. Но, не ми ја одзеде желбата за живот и за создавање музика. Се’ уште ме нема скршено“, напиша тој на социјалните мрежи пред неколку месеци.
Фото: Принтскрин Јутјуб/Инстаграм
* Текстот не смее да биде преземан без дозвола на редакцијата на МАСТИЛО.