Американецот Шејн Голдсби намерно украл полициски автомобил и се судрил со претставниците на јавниот ред и мир.
Имал добро разработена стратегија да биде осуден и на крај да заврши во истиот затвор и во истата ќелија во која се наоѓал во тоа време 70-годишниот Роберт Мунгер.
Голдсби веднаш се фатил за работа.
Смртно го претепал Мунгер, а кога чуварите стигнале на местото на злосторството тој држел нож и повторувал една иста реченица: „Ѓубрето е мртво“. Веднаш бил спроведен во самица.
Неколку часа подоцна, повеќето вработени во затворот Airway Heighs Correction Center дури пуштиле и солза откако го дознале мотивот за убиството.
„Шејн Голдсби не можеше да ја премолчи вистината дека неговата помлада сестра е силувана. Откако конечно дознал дека за нејзиното, но и за уште седум други силувања е виновен Мунгер, знаел дека тој човек, иако веќе зад решетки, не смее повеќе да живее и по цена да ја жртвува сопствената слобода. Кога го однесовме во самица, ни ја раскажа приказната и нагласи дека конечно го пронашол мирот“, им открил на новинарите еден од чуварите во затворот, признавајќи дека и самиот се расплакал по она што го слушнал.
На судењето за убиството на Мунгер, Голдсби се извинил на неговото семејство.
„Можам да замислам како сега сите се чувствувате и колку ме мразите. Ве разбирам и ви се извинувам. Многу ми е жал што останавте без него. Но, тој на една девојка која повеќе не смее да излезе надвор ѝ го уништи животот. Јас не можев да поминам покрај тоа. Со неа пораснав, а тој ја уби во неа секоја желба за насмевка и за радост со неговиот монструозен чин“, изјавил тој на судењето.
Фото: Келсо Полис Департмент
