Имаше само 49 години
Во Тексас се самоуби актерот Џејсон Дејвид Френк, кај публиката ширум светот најпознат по улогата во серијата „Моќните ренџери“.
Како што пренесуваат странските медиуми, неговата сопруга пред неколку месеци поднела барање за развод по 19 години брак, а како причина го навела неверството на својот славен маж.
„Ве молиме да ја почитувате приватноста на неговото семејство и на неговите пријатели во овие ужасни моменти додека се помириме со загубата на едно такво прекрасно човечко битие. Тој премногу си ја сакаше фамилијата, беше одличен пријател, а фановите ги обожаваше. На сите ќе ни недостасува“, изјави неговата портпаролка.
Актерот позади себе остави четири деца-синовите Хантер и Џејкоб и ќерките Скаи и Џена.
Фото: Принтскрин Јутјуб/ Инстаграм
* Текстот не смее да биде преземан без дозвола на редакцијата на МАСТИЛО.
