Прерано замина, имаше само 47 години
Почина Ники Ајкокс, ѕвездата од научнофантастичната хит-серија „Натприродно“ (Supernatural).
На славната актерка која се прослави како Мег Мастерс, во 2020 година ѝ беше дијагностицирана леукемија.
Своите следбеници на „Инстаграм“ секојдневно ги информираше за здравствената состојба, за хемотерапиите и за позитивниот став со кој се обидуваше да ѝ пркоси на болеста.
„Многу се разболев и мислев дека имам ковид, но работите се искомплицираа. Завршив в болница пред да ја дознаам страшната дијагноза“, напиша Ники лани во март кога им ја откри на фановите лошата вест.
Освен во Supernatural, таа имаше забележителни улоги и во Dark Angel, Jeepers Creepers 2 и Providence.
* Текстот не смее да биде преземан без дозвола на редакцијата на МАСТИЛО.
