Инфлуенсерката Агнеса Органџиева го прослави 39-от роденден на висока нога.
Забавата се одржа во една скопска кафеана, а познатата Македонка и за оваа пригода се одлучи за храбар и впечатлив аутфит, баш онака како што сме навикнати да ја гледаме.
„Агнеса, една и единствена“, беше испишано на огромното пано пред кое славеничката ги пречекуваше гостите.
Нетипично за роденден, се’ беше во знакот на црната и на сребрената боја-од нејзината креација, па се’ до најситните детали во просторот.
Агнеса ѝ стана интересна на јавноста откако пред две години нејзиниот маж Роберт Орданоски, инаку поранешен директор на Агенцијата за електронски комуникации, почна јавно да ја напаѓа дека е жена од интерес. Откако сопругот ја нарече „фотошопирана барбика“, медиумите големо внимание посветуваат на нејзиниот изглед.
Двојката има две ќерки.
* Текстот не смее да биде преземан без дозвола на редакцијата на МАСТИЛО.