Црн ден за домашната естрадна сцена
Утрово починал познатиот македонски пејач Виктор Барбутов, јавија повеќе македонски медиуми.
Неофицијално, фолк-музичарот од „Амајлија бенд“ минатата ноќ се пожалил на силна главоболка, бил итно хоспитализиран, но, за жал, по неколку часа починал.
Најверојатно се работи за мозочен удар, брифираат луѓе од неговото блиско опкружување.
Барбутов немал здравствени проблеми, велат тие.
Како член на поранешната група „Фантазија“ на публиката ѝ е најпознат по рефренот „Земја пресвета“.
