Не стивнуваат реакциите по прераната смрт на популарната македонска шминкерка, инфлуенсерка и претприемачка Маја Јанеска.
Атрактивната девојка по потекло од Охрид на социјалните мрежи имаше над милион следбеници, често го покажуваше својот луксузен животен стил и редовно се фотографираше со познати личности.
Сега се огласи и нашиот популарен кантавтор Владо Јаневски кој, според видеото што го објави на „Инстаграм“, очигледно ѝ бил близок пријател.
„Кој не ја познавал, тој не знае како е кога убавината е однадвор и одвнатре“, напиша тој на социјалните мрежи.
Порталот „Њуз 24“ пред една недела напиша дека Маја била пронајдена со прострелна рана во главата. Tаа била во врска со милионерот Кајл Филипс, ко-директор на компанија за цигари, а во моментот на трагедијата нејзиното момче било во домот.
Полицијата не ја третира смртта на Јанеска како сомнителна, но семејството и пријателите за истиот медиум раскажуваат дека не веруваат оти таа сама би си го одзела животот.
Фото: Инстаграм