Национална опера и балет со длабока тага и жалење ја прими веста за заминувањето на оперската првенка Анастасија Низамова, мецосопран во Националната опера и балет.
Низамова беше едно од водечките имиња на македонската оперска сцена.
Познатата пејачка и хуманиста Ребека Јанковска Ристеки напиша трогателна порака.
„Збогум Ана! Засекогаш ќе останеш во нашите срца, а во срцето на Маркијан имаш посебно место. Колку песни заедно испеавте.. Аната ја нема веќе.. Царство небесно убавино“, напиша таа на „Фејсбук“.
Анастасија Низамова Мухиќ која беше вљубеник во планините, почина на денот на кој се одбележува меѓународниот Ден на планината.
Нека ѝ е светол патот!