Легендарниот фудбалер ја загуби битката со леукемијата
По долго и тешко боледување почина Синиша Михајловиќ, еден од најдобрите српски фудбалери на сите времиња, а подоцна и тренер. Имаше само 53 години.
Според последните информации, починал во болница во Италија опкружен со семејството. Здравствената состојба рапидно му се влошила пред неколку дена.
Михајловиќ е роден на 20. февруари 1969 година во Вуковар. Израснал во локалното Борово, каде што ја започнал кариерата во 1986 година. Две години подоцна се пресели во Нови Сад во Војводина, а во 1990 година пристигна во Црвена звезда со која стана европски и светски првак.
По две сезони минати на „Маракана“, се пресели во Италија, каде го стекна статусот на еден од најдобрите дефанзивци во Серија А во дресот на Рома, Сампдорија, Лацио и Интер.
Беше специјалист за слободни удари и пенали, а важи за еден од најдобрите изведувачи на слободни удари во историјата на фудбалот.
Како тренер ги водеше Болоња, Катанија, Фиорентина, Сампдороја, Милан, Торино, Спортинг и на крајот Болоња. Беше и селектор на Србија.
Фото: Инстаграм
