Натали Грубовиќ сподели тажна вест со своите пријатели на социјалните мрежи.
Некогашната бинго-девојка и поранешна манекенка и водителка со кратка трогателна посвета се прости од татка си, прим. д-р Милош Грубовиќ, еден од основоположниците на трансфузиолошката служба во Македонија и основоположник на доброволното крводарителство.
„Збогум најмил татице“, стои во објавата која што ја споделија и нејзините сестри.
Прим. Д-р Милош Грубовиќ е Роден во Беране, Црна Гора, а медицинскиот факултет и специјализацијата по трансфузиологија ги завршил на Медицинскиот факултет во Скопје.
За своите заслуги и постигнати резултати добитник е на највисоки државни награди и признанија на териториите на поранешна Југославија, Македонија и Црна Гора.
Фото: Фејсбук/Принтскрин Јутјуб
